Pedagogët në bojkot, Presidenti Begaj letër rektorëve: Më informoni për kërkesat

Bojkoti i pedagogëve ndaj orës mësimore dhe protestës së tyre, ka sjellë edhe reagimin nga ana e Presidentit Bajram Begaj. Kreu i shtetit u ka dërguar një letër rektorëve të universiteteve, duke kërkuar informacion në lidhje me situatën e krijuar nga protesta e pedagogëve. Ai shprehet se po ndjek me vëmendje zhvillimet dhe se ata duhet të japin informacion konkret për kërkesat që kanë.

Viti i ri akademik nisi më bojkot të mësimit në shumicën prej universiteteve të vendit, ndërsa sot është dita e dytë e grevës në disa prej universiteteve të vendit. Pedagogët kanë lajmëruar se protesta dhe bojkoti i mësimit do të vijojë deri në plotësimin e kërkesave të tyre.

Ata thonë se nëse qeveria nuk reagon, ata nuk do të hyjnë në auditore, ndërsa i bëjnë thirrje studentëve që të bashkohen nën sloganin “Investim për arsim cilësor”.