Pensionistët në protestë para Kryeministrisë, kërkojnë rritjen e pagesave

Edhe këtë të mërkurë, pensionistët u mblodhën sërish në protestë përpara kryeministrisë, me një kërkesë kryesore: Rritjen e pensioneve. Kjo është protesta e tretë e thirrur nga Lëvizja Bashkë që bëri bashkë pensionistët. ”Kam ardhur nga Gjirokastra, për një pension dinjitoz sepse me 100 mijë lek nuk kemi çfarë të bëjmë. Të blejmë ilaçe? Të përballojmë jetën? Prandaj kemi dal”, shprehet një pensionist. ”Unë kam një pension 100 mijë lek. Nuk me dalin për ilaçe. Prandaj dal këtu në shesh”, shprehet një tjetër pensionist.