Pensionistët protestë para kryeministrisë
Një numër i konsiderueshëm pensionistësh nga qytete të ndryshme të vendit janë ngritur në protestë përpara kryeministrisë duke shprehur një sërë pakënaqësish për gjendjen e tyre. Ata kërkojnë rritje të pensioneve dhe miratimin e minimumit jetik, ndërsa indeksimin e pensioneve me 4.1% e konsiderojnë tallës dhe diskriminues. Ish-minatorë, naftëtarë, persona me aftësi të kufizuar etj. theksojnë se pensionet janë qesharake dhe nuk mbulojnë shpenzimet miminale as për ilaçe.
Ndërkohë gjatë protestës dy pensionistë nuk u ndjenë mirë dhe kërkuan ndihmën e urgjencës. Pensionistët i lanë 3 ditë kohë kryeministrit Rama që të rishohë ligjin dhe të marrë parysh kërkesat e tyre, në të kundërt paralajmëruan se të hënën do të hyjnë në grevë urie para kryeminstrisë.