Për Gratë: Protesta në Shqipëri dhe Kosovë

Ditën e sotme, me rastin e Ditës Ndërkombëtare të Gruas, shoqëria civile protestoi në Tiranë për gjithë vajzat dhe gratë e dhunuara. Marshimi nisi pranë Drejtorisë së Policisë së kryeqytetit për të kërkuar ndryshime ligjore mbi urdhrat e mbrojtjes.

Protesta pati edhe në Durrës, ku të veshur me të zeza, si një shenjë zie për viktimat e dhunës, përfaqësues të shoqërisë civile dhe jo vetëm protestuan rrugëve të qytetit. Edhe në Shkodër gjithashtu u organizua një protestë e heshtur, të cilës iu bashkua kryetarja e bashkisë, përfaqësues institucionesh, nxënës të shkollave të mesme dhe qytetarë të thjeshtë.

Në Kosovë, “MARSHojmë, S’Festojmë”, një nismë qytetare që synon të jenë zëri i shumë grave në shoqëri, protestoi në Prishtinë kundër dhunës me bazë gjinore dhe ngacmimeve seksuale ndaj vajzave dhe grave.