Për herë parë në 244 ditë nuk ka viktima nga Covid-19. Në spitale veç 43 pacientë

Aktualitet Kryesore E Mërkurë, 26 Maj 2021 17:26

Për herë të parë në 244 ditë, në Shqipëri nuk është shënuar asnjë humbje jete nga virusi vdekjeprurës, kjo për 24 orët e fundit. Ministrja e Shëndetësisë, Ogerta Manastirliu tha se nesër do të lehtësohen masat anti-covid. ”Pas një periudhe të gjatë të pandemisë, për herë të parë nuk ka asnjë vdekjet në spitalet Covid në 24 orët e fundit”,-thuhet në njoftimin e Ministrisë së Shëndetësisë.

Po në 24 orët e fundit, mësohet se janë kryer 2,691 testime, nga të cilat kanë rezultuar pozitivë 15 raste. ”Rastet pozitive të konfirmuara janë identifikuar në këto bashki: 5 raste në Tiranë, 2 raste në Berat, Skrapar, 1 rast në Shkodër, Durrës, Fier, Devoll, Mat, Shijak”.

Lajmi i mirë është se në 24 orët e fundit janë shëruar 71 qytetarë, duke e çuar numrin e të shëruarve në 128,978 që nga fillimi i epidemisë. Aktualisht në spitalet Covid po trajtohen 43 pacientë nga të cilët 7 pacientë janë në terapi intensive.

Ministria e Shëndetësisë dhe Mbrojtjes Sociale, u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (26 Maj 2021)

Raste të reja ditore 15
Të shëruar në 24 orë 71
Të shtruar në spitale 43
Humbje jete në 24 orë 0
Testime ditore 2,691
Testime totale 706,327
Raste pozitive 132,244
Raste të shëruara 128,978
Raste aktive 819
Humbje jete 2,447