”Për të Bathorja është mrekullia e 8-të e botës”, Rama-Berishës: Butrinti është vënë në mbrojtjen time që kur isha ministër

”UNESCO kërkonte të hiqte nga harta e Parkut të Butrintit ndërtimet pa leje në Ksamil”,–tha kryeministri Edi Rama në nisje të fjalës së tij në seancën e kësaj të hëne pasdite në Kuvend. Kreu i qeverisë tha se parku i Butrintit është shpallur i tillë me nismën e tij si ministër i Kulturës, dhe se Butrinti është vënë në mbrojtje nga ai që në atë kohë.

“Isha lajmëruar për një seancë tjetër, dhe as nuk e imagjinoja që seanca për Butrintin do të zgjatej kaq shumë dhe që do të ishte kishte shumë admirues, mbrojtës, të flakët ndër ata që janë përgjegjësit e drejtpërdrejtë për dëmet që janë shkaktuar.

Parku i Butrintit është shpallur i tillë me nismën time si ministër i Kulturës. Butrinti është vënë në mbrojtje nga unë në atë kohë. Ndryshimi i kufijve të parkut ka ardhur si rezultat i hapjes së rrugës nga një valë ndërtimesh pa leje në zonën e Ksamilit. Rishikimi i kufijve të parkut është bërë me kërkesë të Unesco, në mënyrë që të hiqeshin nga zona e parkut të gjitha ato pjesë të kalbëzuar për shkak të ndërtimtarisë pa leje.

Arkitektët dhe urbanistët dihen se kush janë. Ne kemi ende personazhe në Kuvend që Bathore është mrekullia e 8 e botës, i vetmi vend në botë që u ndërtua pa leje”.