Përfshihet nga flakët banesa në Elbasan, i moshuari dërgohet në gjendje të rëndë në spital

Një i moshuar ndodhet në gjendje të rëndë shëndetësore pasi banesa e tij u përfshi nga flakët dhe gjithashtu dhe ai vetë.

Policia thotë se rreth orës 12:15, në fshatin Kuqan, Elbasan, ka rënë zjarr në banesën e shtetasit N. K. Si pasojë është djegur pjesërisht banesa dhe është dëmtuar nga flakët shtetasi N. K., 85 vjeç, i cili ndodhet në gjendje të rëndë shëndetësore.

Shërbimet zjarrfikëse kanë bërë të mundur fikjen e zjarrit. Nga veprimet hetimore paraprake të kryera dyshohet se ngjarja është aksidentale.