Përfshihet nga flakët makina në autostradën “Tiranë-Elbasan”

Një makinë është përfshirë nga flakët mëngjesin e kësaj të premte në autostradën “Tiranë-Elbasan”.

Paraprakisht dyshohet se shkak për zjarrin të jetë bërë një defekt në mjet.

Nga zjarri fatmirësisht nuk raportohet për persona të lënduar, vetëm dëme materiale.

“Rreth orës 10:30, në autostradën “Tiranë-Elbasan”, dyshohet se për shkak të një defekti, ka rënë zjarr në automjetin me drejtues shtetasin I. Z., 39 vjeç. Për pasojë janë shkaktuar vetëm dëme materiale”,- njofton Policia.

Grupi hetimor në vendngjarje po punon për dokumentimin ligjor të shkakut të rënies së zjarrit.