Përfshihet nga flakët një restorant, dy zjarrëfikëse shuajnë flakët

Një restorant i njohur në qendër të kryeqytetit është përshirë nga zjarri.

Ngjarja është regjistruar në orët e mbrëmjes së sotme tek ish-Ambasada maqedonase, përballë Piramidës.

Në vendngjarje mbërritën 2 zjarrëfikëse për shuarjen e flakëve.

Paraprakisht mësohet se zjarri është provokuar në furrën e picave dhe me pas eshte perhapur ne ambientet e tjera të restorantit.

Fatmirësisht deri tani nuk raportohet për të lënduar, vetëm dëme materiale.