Përfundon protesta në aksin Thumanë-Kashar, qytetarët e mbajtën rrugën të bllokuar për 30 minuta

Ka përfunduar protesta e banorëve të Krujës, Fushë-Krujës, Thumanës dhe zonave përreth, që kërkojnë hyrje-dalje në rrugën e re Thumanë-Kashar. Banorët kanë arritur të mbajnë të bllokuar qarkullimin e mjeteve për 30 minuta, kohë kur policia ka ndërhyrë duke larguar qytetarët nga rruga. Policë me skafandra kanë ndërhyrë dhunshëm për të liruar rrugën, ndërsa ka pasur në të paktën 1 rast, kur një qytetar është gjakosur, pasi policia ndërhyri dhunshëm.