Përfundon protesta paqësore e opozitës, tërhiqen autoblindat e policisë

Protesta e opozitës së bashkuar ka përfunduar pa incidente pavarësisht numrit të lartë të pjesëmarrësve në tubim.

Forcat policore që kanë “blinduar” Parlamentin, Kryeministrinë dhe Piramidën kanë qenë të shumta.

Pas përfundimit të protestës janë tërhequr edhe autoblindat e vendosura pranë zonës ku u zhvillua tubimi, pasi nuk është regjistruar asnjë incident.

Ndërkombëtarët dhe policia e shtetit kanë bërë deklarata se protestuesit mund të tregohen të dhunshëm dhe ishin marrë masa deri në rrethimin me tela me gjemba të institucioneve, por mund të thuhet se protesta ishte paqësore.