Përmbarimi shkon të sekuestrojë banesën në Durrës, gjejnë armë dhe drogë

Në një shtëpi të banuar në zonën e shkëmbit të Kavajës në Durrës rreth orës 15.00 shërbimi përmbarimor ka shkuar për të ekzekutuar sekuestron e banesës për llogari të një banke ku rezultonte me kredi.

Kur përmbarimi ka hyrë brenda bashkë me policinë kanë gjetur dy armët e përshtatura për snajper me silenciator , një pistoletë dhe një sasi kanabisi.

Është lajmëruar policia e Durrësit ka shkuar në vendngjarje dhe ka bërë sekuestrimin e armëve të zjarrit. nga verifikimet paraprake rezulton se pronari është emigrantë në SHBA.

Pritet që policia të kontaktojë me pronarin dhe të zbardhet ngjarja se të kujt janë armët. Ato janë dërguar tek laboratori i kriminalistikes për të parë se në cfarë ngjarje mund të jenë përfshirë, pasi ka shumë vrasje e plagosje që ende janë pa një autor një qarkun e Durrësit.

/BW