Përmbyset borëpastruesja në Rrugën e Kombit

Në akset kryesore të vendit janë vënë në punë borëpastrueset për shkak të reshjeve të dendura të borës që kanë nisur gjatë mbrëmjes dhe vijojnë ende.

Një prej tyre, në Rrugën e Kombit është përmbysur, por për fat të mirë të lënduar nuk ka pasur.

Më herët gjatë ditës, Drejtoria Vendore e Policisë Kukës bëri të ditur se ka rritur prezencën e shërbimeve policore në akset rrugore urbane e rurale, për t’ju ardhur në ndihmë dhe këshilluar drejtuesit e mjeteve.

Segmenti i rrugës së Kombit aktualisht qarkullohet normalisht nga automjetet. Kurse, akset rrugore në njësit administrative Topojan, Zapod, Grykë Çaj dhe Arren, janë të bllokuara.

Akset e tjera rrugore të qarkut, janë të kalueshme me pajisje dimërore.