Përmbytet autostrada Tiranë-Durrës. Mbi 1 metër ujë

Mbi një metër ujë ka vërshuar në autostradën Tiranë-Durrës të enjten pasdite, duke rrezikuar seriozisht jetën e dhjetra qytetarëve.

Mësohet se drejtuesit e mjeteve në këto çaste kanë braktisur makinat, ndërsa kanë telefonuar Emergjencat Civile për t’u ardhur në ndihmë.

Burimet nga vendngjarja thanë se telefonata e parë është bërë para 60 minutash, por deri në këto çaste askush nuk u ka ardhur në ndihmë.

Drejtuesit e mjeteve apelojnë për ndihmë nga Emergjencat Civile, pasi situata po agravon.

Opinion.al publikon fotot nga përmbytjet në autostradë, pranë zonës së Kasharit.