Përmbytjet në vend, ARRSH: Akset rrugore janë të kalueshme

Reshje të shumta shiu vijojnë ende në të gjithë territorin por të gjitha akset rrugore janë të kalueshme dhe qarkullimi i mjeteve kryhet normalisht. Autoriteti Rrugor bën të ditur se rreshjet e shiut që kanë përfshirë të gjithë vendin, nuk kanë shkaktuar probleme në qarkullimin e mjeteve.

Kompanitë e mirëmbajtjes, sipas ARRSH-së, kanë qenë në monitorim të situatës përgjatë gjithë natës për të pasur gjendjen e akseve nën kontroll dhe duke pastruar rënien e lehtë të gurëve në disa segmente rrugore.

ARRSH do të vijojë monitorimin dhe është në gatishmëri me mjete dhe fuqi punëtore në terren. ARRSH rekomandohen përdoruesit e rrugës të bëjnë kujdes në lëvizje dhe të respektojnë sinjalistikën rrugore, të reduktojnë shpejtësinë për shkak të lagështisë në rrugë.