Përmeti, destinacioni që nuk duhet humbur

Përmeti i ka të gjitha, ajër të pastër, vende çlodhjeje si ujërat e Bënjës, trashëgimi kulturore me kisha e xhami të vjetra, ura historike, ujërat e kristaltë të Vjosës, mundësi për sporte të ndryshme.

Edhe pse ende nuk ka nisur sezoni turistik i verës, turistët kanë filluar të “pushtojnë” Përmetin, sidomos në ujërat termale të Bënjës kanë filluar të vijnë flukse të larta vizitorësh vendas e të huaj.

Duke u shndërruar në një pikë të veçantë turistike, edhe vetë familjet përmetare po hedhin hapat e parë të zhvillimit të agroturizmit.