Përmirësohet situata nga moti i keq në Durrës, ulet niveli i ujit në lumin Erzen dhe Ishëm

Njoftimi i Bashkisë së Durrësit

Sektori i Planifikimit, Përballimit të Emergjencave Civile dhe Krizave

Në vijim të raportimit për situatën deri tani, nga komunikimi me strukturat përgjegjëse vendore të mbrojtjes civile, si dhe strukturat e gadishmërisë së përhershme, situata është e qetë.

●Niveli në Hidrovorin e Porto-Romanos është 1m, kurse në Hidrovorin e Hamallajt është 1.2m;
●Niveli i ujit në lumin Erzen dhe Ishëm është ulur me rreth 2m, dhe për pasojë është tërhequr uji nga tokat bujqësore në Njësinë Administrative Bubq, Bashkia Krujë;
●Pas punës me intensitet të lartë nga ana e strukturave përgjegjëse është larguar uji nga 8 banesat me prezencë uji në Rajonin Nr.6, qyteti Durrës;
●Të gjitha akset rrugore janë pa probleme dhe janë të kalueshme normalisht;
●Intensiteti i reshjeve ka qenë shumë i ulët;
●Strukturat vendore janë në gadishmëri të plotë dhe monitorim çdo moment.
Mbetemi në kontakt.