Përplasen dy automjete në Sarandë, plagosen 6 persona

Gjashtë persona kanë mbetur të plagosur nga përplasja e dy automjeteve në fshatin Gjashtë në Sarandë.

RTV Ora raporton se një prej të plagosurve ndodhet në gjendje të rëndë për jetën. Ndërsa 5 personat e tjerë ndodhen në spital jashtë rrezikut për jetën.

Aksidenti ndodhi rreth orës 15:55, në aksin rrugorë Sarandë – Gjashtë dhe përfshiu një Mercedes Benz dhe një Land Rover.

Nga përplasja e fortë njëri prej automjeteve ka dalë nga rruga duke u hedhur nga 3 metra lartësi.

“Si pasojë e aksidentit janë dëmtuar 5 shtetas të cilët ndodhen në Spitalin e Sarandës duke marrë ndihmë mjekësore, jashtë rrezikut për jetën,”-raporton policia.

Grupi hetimor ndodhet në vendin e ngjarjes duke kryer veprimet e mëtejshme proceduriale.