Përplaset makina e policisë, lëndohen dy efektivë në detyrë

Një aksident është regjistruar mëngjesin e kësaj të diele në Laknas, në Tiranë. Përmes një njoftimi policia bën me dije se në aksident është përfshirë një mjet i policisë në shërbim me një mjet tjetër.

Si pasojë e aksidentit kanë mbetur të lënduar dy punonjësit e policisë, P.K. dhe A.M. që ishin në shërbim, si dhe pasagjerja në mjetin tjetër më inicialet E.Xh.

Të plagosurit janë dërguar menjëherë në spital dhe ndodhen nën kujdesin e mjekëve jashtë rrezikut për jetën.

“Më datë 07.02.2021, rreth orës 10:18, në Laknas, tek kryqëzimi i Bërxullit, janë përfshirë në përplasje mjeti i policisë me drejtues P. K, dhe pasagjer A. M ( aktualisht në shërbim), me mjetin me drejtues S. Xh., dhe pasagjere shtetasen E. Xh. Si pasojë e përplasjes janë dëmtuar dy punonjësit e policisë dhe pasagjerja në mjetin tjetër shtetasja E.Xh., të cilët ndodhen në spital, jashtë rrezikut për jetën”, njofton policia.

Grupi hetimor ndodhet në vendngjarje dhe po punojnë për zbardhjen e rrethanave të aksidentit.