Përplasi për vdekje burrin me biçikletë, arrestohet shoferi

Një aksident me vdekje ka ndodhur gjatë natës ne aksin rrugor Lushnjë – Fier.
Sipas policisë, shtetasi B.S, 52 vjeç, banues në Tiranë, duke drejtuer mjetin kamion tip “Iveko” ka aksidentuar për vdekje shtetasin N.N, 53 vjeç, banues në Fier, i cili ishte duke lëvizur me biçikletë.

Njoftimi i policisë

Specialistët e Sektorit të Qarkullimit Rrugor, arrestuan në flagrancë shtetasin:

B.S, 52 vjeç, banues në Tiranë.

Arrestimi i këtij shtetasi u bë pasi dje gjatë natës, në aksin rrugor Lushnjë – Fier, duke drejtuer mjetin kamion tip “Iveko” ka aksidentuar shtetasin N.N, 53 vjeç, banues në Fier, i cili ishte duke lëvizur me biçikletë.

Për pasojë, shtetasi i dëmtuar N.N ka ndërruar jetë në spitalin e Lushnjës.

Materialet i kaluan Prokurorisë pranë Gjykatës së Shkallës së Parë Lushnje për veprën penale “Shkelje e rregullave të qarkullimit rrugor”.