Përplasi për vdekje dy kushërinjtë në Roskovec, burg për Amarildo Çalamanin

Gjyka e Fierit ka vendosur masen e sigurisë arrest me burg për Amarildo Çalamani, i cili aksidentoi për vdekje dy kushërinj dhe plagosi një tjetër. I riu nga fshati Arapaj i Roskovecit, i tha gazetarëve ne gjykatë se se nuk kishte asgjë për të thënë në lidhje me ngjarjen.

Avokati i 24-vjeçarit ka deklaruar se i akuzuar ka heshtur, pasi ishte në një gjendje të rënduar psikologjike.

Prokuroria dhe policia kanë konkluduar se Çalamani ishte me disa shkelje ku me e renda ishte ajo e tejkalimit të shpejtësisë.

Aksidenti ndodhi tre ditë më parë më 26 gusht në fshatin Arapaj, ku kushërinjtë Amarildo dhe Festim Dogani, 29 dhe 21 vjeç humbën jetën dhe u plagos Martin Dogani, 22 vjeç. Ata  ishin ulur në trotuar kur makina që drejtohej nga bashkëfshatari i tyre doli nga rruga dhe i përplasi.

Si ndodhi ngjarja e rëndë

Sipas policisë, dy viktimat dhe i plagosuri kanë qenë këmbësorë, kur një automjet ka humbur kontrollin dhe ka dalë nga rruga duke i përplasur në anë të saj dhe më pas ka përfunduar në kanal.

Makina tip “Volksëagen”, drejtohej nga Amarildo Çalamani, i cili është larguar nga vendngjarja menjëherë pas aksidentit për tu kapur vetëm pak minuta më vonë nga policia.