Përplasja e Bardhit dhe Nokës me Açkën, psikologia: Skenat e dh*nës janë shqetësuese

Përplasja mes deputetëve demokratë në Komisionin e Medias ka sjellë reagime të shumta si pasojë e sherrit të ashpër. Gazment Bardhi dhe Flamur Noka që kanë debatuar ashpër me Flutura Açkën në Komisionin e Medias. Debati agravoi, ndërsa Bardhi e Noka shkulën mikrofonin, teksa Flutura Açka ishte duke folur gjatë mbledhjes.

Psikologia Entela Binjaku e cilëson shqetësuese këtë incident të zhvilluar edhe në praninë të mediave. E ndalur tek dhuna në rrjete sociale, psikologia shtoi se ky fenomen është kthyer në një problem real.

“Më shqetësuese se sa një skenë e ushtrimit të dhunë para kamerave është edhe reagimi ndaj tyre. Janë të patolerueshme dhe sigurisht të pajustifikueshme. Episodi sot është një vazhdimësi e episodeve që i kemi parë kudo në vendin tonë. Çfarë shihet pak nga kamerat në Kuvendin e Shqipërisë e gjejmë në shumë vende të tjera. Është jashtëzakonisht e trishtë, ajo është një zonjë, por kur arrijnë të mos mbajnë nën fre mungesën e edukatës përpara kamerave që i shohin me mijëra sy, imagjinoni se sa e lehtë është për të tjerë për të ushtruar dhunë”, ka thënë ajo.