“Përplasja” Rama-Meta për dekretet e ministrave, Gjykata Kushtetuese shtyn datën e shqyrtimit

Gjykata Kushtetuese ka shtyrë për një datë tjetër shqyrtimin e kërkesës së kryeministrit Edi Rama për zgjidhjen e mosmarrëveshjes së kompetencave mes Kryeministrit të Shqipërisë dhe Presidentit të Shqipërisë.

Seanca ishte parashikuar të zhvillohej më 25 mars, në orën 10:00, ku do të shqyrtohej përplasja mes kryeministrit Edi Rama dhe Presidentit Ilir Meta për dekretet e ministrave.

Përkatësisht, në fokus ishte përplasja mes krerëve të dy institucioneve kryesore në vend për mosdekretimin e Gent Cakajt si ministrit të Jashtëm, nga ana e Metës.