Pesë muaj pa marrë pagat. Punëtorët e inceneratorit të Fierit sërish në protestë, kërcënojnë me grevë urie

Punonjësit e inceneratorit të Fierit kanë dalë sërish sot në protestë për të kërkuar pagat e tyre të papaguara.

Ata kanë kërcënuar sot se do të hyjnë në grevë urie, pasi thonë se janë mashtruar e gënjyer.

“Jemi mbytur në borxhe, po bëjmë sherr me gruan dhe fëmijët. Administratori Faraudin Arapi na tha se do kalonin 4 paga. Nuk mbajtën fjalën, do hyjmë në grevë urie”, thanë ata.

“Protesta do të vazhdojë derisa të likuidojnë rrogat. Na gënjyen prap. Të mërkurën tha ai do t’ju likuidojmë. Dita e fundit ishte dje. Dje telefonat janë mbyllur”, tha një prej tyre.