Peticion kundër dëbimit të të riut shqiptar nga Britania, merr 250 mijë firma

Një i ri shqiptar, i cili u trafikua në Britani dhe tani përballet me rrezikun e dëbimit ka fituar mbështetjen e më shumë se 250 mijë personave.

Samet mbërriti në Mbretërinë e Bashkuar në moshën 15-vjeçare. Tani ai është  18 vjeç dhe autoritetet refuzuan të drejtën e tij për të qëndruar.

Kujdestari i tij John Stokes tani po lufton në një betejë ligjore për ta mbajtur atë në vend dhe ka ngritur një peticion për të marrë mbështetje nga të tjerët.

Peticioni i Change.org është pjesë e asaj që Z. Stokes e ka quajtur një “fushatë kombëtare” për të rinjtë që janë trafikuar. Brenda shtatë javëve peticionin e firmosën mbi një çerek milionë persona  dhe kjo shifër është duke u rritur.

Stokes tha se ai e pa Samet si një anëtar të familjes i cili ishte admiruar nga bashkëmoshatarët dhe mësuesit e tij në Kolegjin SGS në Filton.

Ai bëri apel kundër vendimit të Zyrës së Brendshme, e cila në një deklaratë tha: “Do të ishte e papërshtatshme të komentosh ndërsa procedurat ligjore po vazhdojnë”.

Një këngë e titulluar ‘unë jam një ushtar’, nga Stevie D Red, është regjistruar në mbështetje të Samet dhe të tjerëve  si ai, dhe u rendit në numrin dy në grafikun e shitësve më të mirë në Amazon në 4 dhjetor.