Petro Koci: ASHE fiton më 21 Qershor, ka programin dhe kandidatët më të mirë

Kryetari i PSV ’91  Petro Koçi, i cili kryeson listën e kandidatëve për këshilltarë për bashkinë e re të Tiranës, shprehet i bindur për një fitore të koalicionit Aleanca për Shqipërinë Europiane në zgjedhjet vendore të 21 Qershorit.

Koci thekson se fitorja është e sigurtë për shkak të cilësisë së programit dhe kandidatëve që ka përzgjedhur koalicioni i majtë.

“Kryesimi i listës së kandidatëve të PSV ‘91 për këshillin bashkiak të Tiranës bëhet për t’i dhënë rëndësi dhe seriozitet zgjedhjeve vendore të 21 qershorit. Ne po bëjmë një fushatë modeste. Jemi parti pa fonde financiare, por me shpirt kombëtar dhe zemër shtetbërëse”,ka deklaruar kreu i PSV ‘91 Petro Koçi.