Pika kufitare, pala greke bllokon sërish lëvizjen për dy orë

Dogana e Kapshticës do të bllokohet sërish për dy orë ditën e sotme për shkak të grevës së fermerëve grekë. Pala greke ka njoftuar se bllokimi i kalimit për udhëtarët do të bëhet nga ora 11:00 deri në orën 13:00.

Gjatë këtij intervali kohor, nuk do të ketë regjistrim të asnjë qytetari që kërkon të kalojë kufirin, duke krijuar një situatë kaotike të përsëritur, pasi edhe ditën e djeshme pala greke në këtë doganë bllokoi sërish kufirin për dy orë.

Policia Kufitare e Greqisë do të ndërpresë punën për dy orë dhe nuk do të lejojë asnjë person që të kalojë.