Pirro Dhima përlotet në TV: Kam frikë për fëmijët

Kampioni olimpik me origjinë shqiptare dhe njëkohësisht deputet i PASOK­-ut, Pirro Dhima, është përlotur teksa e kishin ftuar në studion e lajmeve të televizionit Sky, për të folur për situatën që po kalon Greqia.

“Kam frikë, trembem. Jo për vete seps unë i kam jetuar këto vështirësi në Shqipëri. Trembem për fëmijët” ka thënë i përlotur Dhima.

Ai u ka bërë thirrje politikanëve në vend që të ulen për të gjetur një zgjidhje për krizën që ka pllakosur Greqinë.

Edhe tre ditë më parë përmes një postimi në faqen e tij në Facebook, Dhima shkruante se nuk do të pranonte kurrë “shqipërizimin” e Greqisë, duke iu referuar periudhës komuniste të vendit tonë.