Plagoset një burrë, me 2 plagë në kraharor i jep makinës dhe shkon vetë në spital (DETAJE)

Një ngjarje e rëndë mësohet të ketë ndodhur disa minuta më parë në Patos të Fierit, ku një 53-vjeçar është plagosur me armë zjarri.

Sipas informacioneve të para, mësohet se 53-vjeçari, identiteti i të cilit nuk bëhet i ditur, ka mbërritur i plagosur me armë zjarri në Spitalin e Fierit.

Burime bëjnë me dije se 53-vjeçari ka dy plagë në kraharor, ndërsa ngjarja ka ndodhur rreth orës 21:15.

I plagosuri ka mbërritur vetë në spital me makine e tij, ndërsa mësohet se sapo ka dalë nga salla e operacionit dhe ndodhet në gjendje kritike për jetën.