Plagosi shokun brenda shkollës, arrestohet gjimnazisti
Aktualitet E Hënë, 19 Prill 2021 22:23
Policia e Dibrës ka identifikuar dhe më pas ndaluar, personin që plagosi 17-vjeçarin Erjon Hasi, në ambientet e gjimnazit “Gjergj Kastrioti” në Dibër.
Ai është bashkëmoshatari i tij, Vilson Meta, nga fshati Kishavec në Dibër.
Dy gjimnazistët u konfliktuan për motive ende të paqarta.
Hasi ndodhet në gjendje të rëndë për shkak se mori goditje me mjete të forta, ndërsa policia ka njoftuar më parë se, ai u dërgua me helikopter drejt Tiranës.