Plagosje dhe dhunë ndaj grave, arrestohen 3 persona në Tiranë

Policia e Tiranë ka vënë në pranga 3 persona, të akuzuar për plagosje me dashje dhe dhunë në familje. Policia njofton se ka arrestuar në flagrancë një 54-vjeçar në Tiranë, pasi ka plagosur me sende të forta një shtetas.

“Nga specialistët për Hetimin e Krimit të Komisariatit Nr. 2 u bë arrestimi në flagrancë, për veprën penale “Plagosja e rëndë me dashje”, i shtetasit G. S., 54 vjeç, banues në Tiranë, pasi, për motive të dobëta, ka goditur me mjete të forta shtetasin K. K., 42 vjeç, i cili ndodhet në spital, nën kujdesin e mjekëve”- njofton policia.

Në pranga kanë rënë edhe dy shtetas të tjerë, për veprën penale “Dhuna në familje”, pasi kanë rrahur bashkëshortet e tyre.

“Po ashtu, u bë arrestimi në flagrancë i shtetasit M. K., 39 vjeç, sepse në rrugën “Mihal Grameno”, ka ushtruar dhunë fizike dhe psikologjike ndaj bashkëshortes.

Policia ka arrestuar edhe shtetasin A. K., 37 vjeç, i shpallur në kërkim për veprat penale “Dhuna në familje” dhe “Kanosja”, pasi ka ushtruar dhunë fizike e psikologjike dhe ka kanosur bashkëshorten e tij, në prezencë të fëmijëve”, njofton policia.

Materialet i kaluan Prokurorisë së Rrethit Gjyqësor Tiranë, për veprime të mëtejshme.