Plas arma tek “Havana” në Dhërmi, një i vdekur e 4 të plagosur

Dita e sotme është gdhirë e përgjakur në Dhërmi, ku në një prej lokaleve të natës ka plasur arma.

Të pranishmit në vendngjarje bëjnë bëjnë me dije se rreth orës 1:30, kur një numër i madh njerëzish po kërcenin në tingujt e muzikës, janë dëgjuar disa të shtëna me armë.

Ngjarja ka ndodhur tek “Havana”, ndërsa bazuar në raportimet paraprake të të pranishmëve, 1 person dyshohet të ketë ndërruar jetë e katër të tjerë të jenë plagosur.

Gjithashtu bëhet me dije se përplasja me armë ka zgjatur rreth 10 minuta.

Ende nuk dihet më konkretisht se cilët janë personat e lënduar dhe të përfshirë në konflikt, por as shkaqet e kësaj ngjarjeje, shkruan Joq.

Policia  e Vlorës nuk ka dalë me një njoftim zyrtar deri më tani.