Plas mes shqiptarëve, 44-vjeçari tenton të futet në lokal me makinë

Një debat mes dy shqiptarëve në Itali ka marrë përmasa të paimagjinueshme.

Në kulmin e mosmarrëveshjeve, një 44-vjeçar ka marrë makinën e tij Hyundai dhe ka tentuar të futet në lokalin ku ndodhej shqiptari tjetër.

Të tmerruar nga skena, personat që ndodheshin në lokal, njoftuan menjëherë policinë.

Si pasojë e incidentit, të dy shqiptarët kanë mbetur të plagosur.

Sipas dëshmitarëve në vendngjarje, shqiptari në timon kishte qenë i dehur.

Policia ka nisur hetimet për zbardhjen e konfliktit, ndërsa 44-vjeçari mund të dënohet për tentativë vrasjeje.