”Plumbat” t’i kem lënë në fushë-betejë/Infermierja: Të mos ”vras” vajzën

Në këtë pandemi të Covid-19, bluzat e bardha janë në vijën e parë të luftës, madje edhe duke rrezikuar jetën e tyre. Njësoj si kolegët e saj në botë, në fytyrën e infermieres në Spitafin Infektiv ka plagë. Në darke apo mëngjes, Valbona duhet të kthehet në shtëpi, tek vajza e saj, e cila ka kaluar një sëmundje të vështirë. Kur lë punën, Bona siç e thërrasin kolegët lutet që “plumbat” e marrë gjatë shërbimit t’i ketë lënë në fushë-betejë, për të mos vrarë me ta padashur të bijën. “Betohem solemnisht përpara Zotit”. Kështu nis betimi i infermierit dhe ajo po e përmbush atë, para Zotit, vetes dhe nesh. Në lagjen ku ajo banon, mjafton që ta thërrasësh nga ballkoni për t’u gjendur pranë në çast. Valbona është sot heroina.