Po çonte fëmijët në shkollë, qëllohet me armë zjarri një person në Lezhë. Policia jep detajet e para

Një plagosje me armë zjarri ka ndodhur në fshatin Balldre të qytetit të Lezhës.

Ngjarja është regjistruar rreth orës 08:00.

H. Gj. nga fshati Balldre e Lezhës është plagosur sapo ka dalë nga shtëpia për të çuar fëmijët në shkollë.

Burimet bëjnë të ditur se ai sapo ka dalë nga shtëpia është përballuar me një bashkëfshatar, i cili e ka qëlluar me dy plumba në bark.

Gjatë gjithë kohës H. Gj. ka qëndruar në automjetin e tij me fëmijët dhe bashkëshorten deri sa ka mbërritur polici dhe autoambulanca.

I dëmtuari është dërguar ne spitalin e Lezhës ne gjendje te rendë.

Burimet bëjnë të ditur se autori i dyshuar është shtetasi me iniciale Gj.Gj, banor në fshatin Balldre, por ende nuk dihen shkaqet e plagosjes.

Ndërkohë në vendin e ngjarjes kanë shkuar forca të shumta police të cilët po hetojnë për zbardhjen e plotë të saj.

Informacion paraprak nga policia

Në fshatin Balldre , Lezhë, pas një konflikti për motive ende të paqarta, shtetasi Gj.Gj.,ka plagosur me armë zjarri në këmbë shtetasin H.Gj.,43 vjeç, banues në fshatin Balldre, i cili është transportuar në spitalin Rajonal , Lezhë dhe ndodhet nën kujdesin e mjekëve, jashtë rrezikut për jetën.

Grupi hetimor ndodhet ne vendngjarje dhe po punon për zbardhjen e plotë të rrethanave të ngjarjes.

Shërbimet e Policisë të D.V.P Lezhë dhe të Komisariatit të Policisë Lezhë po krehin zonën si dhe janë ngritur pika kontrolli për kapjen e autorit.