Po digjet “mushkëria” e disa bashkive në Shqipëri

Nisja e verës rikthen edhe zjarret e frikshme. Një zjarr shqetësues ka rënë sot në një zonë pyjore të dendur, e cilësuar si mushkëria e 3 bashkive, atë të Patosit, Roskovecit dhe Ballshit.

Bëhet fjalë për vendin e quajtur Lofkend, drejt të cilit janë nisur forcat zjarrfikëse të këtyre bashkive kufizuese por edhe të Albetrolit.

Mësohet se zjarri është i madh dhe po përhapet me shpejtësi, ndërkohë që terreni i thyer e bën thuajse të pamundur ndërhyrjen me mjete. Nuk dihet shkaku i rënies se zjarrit në këtë zonë pyjore të rëndësishme të vendit.