“Po përgatitet para e paparë”, Arjan Çani: Me zgjedhje të ndershme fiton PD-LSI

Me kodin e ri zgjedhor që pritet të miratohet në Kuvend, palët politike pretendojnë të përmirësojnë standardet zgjedhore duke minimizuar në maksimum manipulimin zgjedhor.

Gazetari, Arjan Çani, është spektik në këtë drejtim, pasi nuk sheh arsye që partitë politike të kenë qasje të ndryshme nga zjedhjet e kaluara sakohë nuk ka asnjë presion popullor.

I ftuar në Ora News, ai parashikon episode të ngashme me ato që kemi parë vitet e shkuara, duke deklaruar madje se para e madhe po përgatitet të hidhet për vitin elektoral.

Arjan Çani: Nuk e di pse duhet që kësaj radhe palët të jenë të ndershme dhe të bëjnë zgjedhje të lira. Këtu njerëzit janë dakort me këto zgjedhje. Ku ka zona të pasigurta do të blihen, para e paparë e madhe po përgatitet. E di, do ta shikoni vetë. Nuk ta them dot burimin, janë futur ujqër të mëdhenj në lojë. Ujqër lokalë dhe të huaj që vinë në momentin që afrojnë zgjedhjet.

Ai nuk nguron të bëjë edhe një parashikim për fituesin e zgjedhjeve të përgjitshme parlamentare të 2021.

Arjan Çani: Nëqoftëse do të kishim zgjedhje të ardhshme të ndershme, nuk do të blihen vota, nuk do të manipulohen, PD-LSI nëse hyjnë bashkë e mundin Ramën, ka shumë gjasa ta mundin. Duke qenë se unë nuk besoj se do të bëhen zgjedhje të lira, Ramsi është i fituar.

Çani nuk hezitoi të rrëfejë edhe ndjesitë e tij për karantinën.

Arjan Çani: Shumë mirë, më vjen keq që u liruan masat prapë dhe njerëzit filluan të dalin. Ndjehesha shumë mirë sepse isha vetëm unë dhe pak të tjerë në rrugë. Ishte kënaqësi e paparë, më erdhi shumë inat që u mbyll kaq shpejt.

Një pjesë nga intervista e dhënë sot në mbrëmje në studion e Ora News me gazetaren Matilda Mcini.

Ora News: Si e ka përjetuar Cani COVID-19

Arjan Çani: Shumë mirë. Më vjen keq që u liruan masat prapë.Filluan njerëzit të dalin. Unë ndihesha shumë mirë pasi isha vetëm unë e pak të tjerë në rrugë. Më erdhi keq që u lirua dhe mezi pres të mbyllemi. Sepse ka rrezik të mbyllemi ti e di.

Unë personalisht do të doja të mbylleshim sepse nga zanati që kam si gazetar nuk më ndalon njeri të ecë.

Ora News: Por nëse do rimbyllemi do thellohej kriza? 

Arjan Çani: Po shqiptarët kur janë të pakënaqur duhet të ngrihen të protestojnë dhe përderisa nuk protestojnë të mbyllen në shtëpi e të mos flasin asgjë. Të mos thonë asgjë, është kaq e thjeshtë.

Nëse nga tetori, shtatori do të ketë mutacion të koronës dhe do të fillojnë vdekjet, do rikthehet prapë Ramsi ( Shenim redaksional: keshtu e quan kryeministrin Edi Rama) meqënëse i ka të gjitha në dorë dhe është i plotëfuqishëm në këtë vend mund ti mbyllë të gjitha e të thotë: Më vjen keq! Unë babai ju lashë për ca kohë, nuk ditët të menaxhonit veten tani do të mbylleni prapë.

Ora News: Po çfarë do të ndodhë me ekonominë e vendit?
Arjan Çani:   Asgjë do të marrë borxh Ramsi sic ka marrë.  Do të japë ca lekë ca njerëzve fare të këputur. Çfarë ndodhi deri tani?! Pe ti të vdiste njeri nga uria?! Jo se s’ka, ka po problemi është që – unë këtë e kam bindje – ky vend është tërësisht informal, ka shumë korrupsion në të gjitha nivelet dhe ai thotë, sado të varfër të jenë, bubërrojnë. Ti jap një paketë, një lëmoshë, i jap një të dytë, të tretën tha: Mund ta jap e tani nuk e jep. Bën çfarë të dojë.    

Ora News: Por ndihma është shumë më e ulët në krahasim me vendet e tjera të rajonit, apo në Europë.

Arjan Çani:  Patjetër, sepse atje po të mos jepen ato rroga në atë masë që janë dhënë ato njerëz dalin në rrugë. Këtu jo. Ka një ndryshim të madh.

Ora News:  Por çfarë i ndalon?
Arjan Çani: E para: Kanë frikë
E dyta: Bubërrojnë
E treta: Tek bubërrimi mblidhen të gjitha. Hë mo, thonë e shtyjmë s’ka problem. Nuk u ka vajtur thika në palc. U ngritën në 1997 se menduan që dikush i futi dorën në xhep.  Tani që po u futet dora në xhep çdo ditë në forma indirekte nuk e kuptojnë. Deri në këto momente lyerja që po bën Rama, fasadat i ka hutuar, të shohim sa do të zgjasë ky hutim.