Pogradec, makina përplas për vdekje çiftin e të moshuarve

Një çift të moshuarish janë përplasur nga një mjet teksa po kalonin natën, në rrugë, duke gjetur vdekjen.

Aksidenti ndodhi rreth mesnatës në Gështenjas të Pogradecit.  Policia njoftoi se viktimat janë Feride dhe Neki Rexhollari, përkatësisht 73 dhe 80 vjeç.

Në momentin e aksidentit ata kanë qenë duke ecur në këmbë. Policia arrestoi te riun 28 vjeçar Arian Çela, i cili dyshohet si shkaktar i ngjarjes. Kanë nisur hetimet për zbardhjen e plotë të këtij aksidenti.