Pogradec: Zjarr në banesë, shpëton mrekullisht 69-vjeçari

Një 69-vjeçar ka shpëtuar mrekullisht pasi banesa e tij u përfshi nga zjarri.

Ngjarja ka ndodhur në rrugën ”Rinia” të qytetit të Pogradecit në një pallat.

Sotir Pisquri ka qenë duke gatuar por në një moment e kishte zënë gjumi dhe tenxherja me të cilën gatuante ka marrë zjarr duke shkaktuar tym në banesë e për pasojë ai ka rënë në gjendje të fikti.

Kanë qenë komshinjtë që njoftuan zjarrfikësit të cilët kanë mbërritur në kohë kanë hapur derën dhe kanë shpëtuar 69-vjeçarin që u transportua në spital.

Fatmirësisht banesa nuk ka pasur dëme pasi nuk ka pasur shpërthim të flakëve.