Pogradec,Fatos Nano me tre islamikë ithtar të Bin Ladenit?

Në web-e dhe në rrjetet sociale po shkruajnë gjithfarë komentesh për këtë foto të Fatos Nanos (shiko foton).

Ish –kryeministri socialist është nën shoqërinë e tre personave, të tre me mjekër të gjatë. Në profilin e Nanos sqarohet se ai është “Me përfaqësues të shoqatës angleze Welfere në Pogradec!”. Në disa portale thuhet se në krahun e djathtë ai ka Zakir Naik, një vahabist indian, një ekstremist që e ka shprehur publikisht mbështetjen për Osma Bin Laden. Por në internet ka me dhjetëra shkrime të mediave britanike, sipas të cilave Naik nuk lejohet të hyjë në Britaninë e Madhe, për shkak të qëndrimeve të tij ekstremiste ndaj SHBA –ve, Mbretësisë së Bashkuar dhe Perëndimit. Dhe emri i Zakir Naik nuk figuron në faqen e shoqatës Welfere http://www.welfareassociation.org.uk/ , çka i bën të dyshimta aludimet se ai është personi që ndodhet në krah të ish –kryeministrit shqiptar. Welfere është një shoqatë që mbështet projektet humanitare dhe të zhvillimit për palestinezët.

Administratorët e profilit të zotit Nano në Facebook nuk i kthyen përgjigje pyetjeve të mediave nëse personi në krahun e djathtë të ish –kryeministrit është Naik Zakir, një prej ideologëve salafistë më me influencë në Indi. Mos përgjigja e Nanos mund të jetë se fotoja mund të mos jetë e vertetë. Ndërkohë Nano është i zënë këto ditë me gjyqin për pronën e Xhoana Nanos tek stadiumi "Dinamo" ku bashkia e Tiranës i ka dërguar shkresë për prishje kontrate.