Pogradeci sfidë me çmimet, klimën dhe kulinarinë

Rrugët e boshatisura dhe qetësia buzë liqenit, tregojnë se vjeshta tashmë është ulur këmbëkryq në qytetin liqenor.

Kjo është një qetësi që edhe vetë pogradecarët e dëshironin pas një vere të zhurmshme dhe që solli një numer të lartë vizitorësh vendas dhe të huaj.

Kur këtë fakt e pranojnë vetë administatorët e bareve dhe restoranteve, atëherë mund të themi që realisht Pogradeci pati një sezon të mbarë veror.

Sipas të dhënave vetëm gjatë 3 muajve të sezonit veror, Pogradeci ka patur mbi 50 mijë vizitorë vendas dhe të huaj.