Policia aksion për vjedhjen e energjisë. Zbulohet laboratori i kriptomonedhave në Krujë

Një laborator bitcoin në Krujë gjatë aksionit të policisë për vjedhje të energjisë elektrike.

Sipas informacioneve, gjatë kontrollit të 250 subjekteve private janë vënë nën hetim 5 persona, ndër to dhe një biznes privat pa kontratë të cilit iu gjetën makineri të prodhimit të kriptomonedhave.

Laboratori i bitcoin u zbulua në hyrje të qytetit të Krujës. Për laboratorin e bitcoin u vu nën hetim pronari, shtetasi me iniciale F.M., ndërsa laboratori nuk figuron në emër të askujt.

Mësohet se aksioni sapo ka nisur dhe do vijojë për një kohë të pa përcaktuar.