Policia e Kosovës përforcon kapacitetet e saj me automjete të reja

Policia e Kosovës ka pranuar një numër të automjeteve të tipit kombi-bus, të cilat do të shërbejnë për mbështetje gjatë operacioneve dhe aksioneve të veçanta duke siguruar transport efikas dhe të sigurt për efektivat policore në terren.

Automjetet do të lehtësojnë lëvizjen e njësive speciale, duke mundësuar përgjigje më të shpejtë në situata të ndryshme operative.Projekti i furnizimit me automjete të reja është hap i rëndësishëm në forcimin e infrastrukturës dhe aftësive operacionale, duke kontribuar në realizimin e misioneve të Policisë së Kosovës për mbrojtjen e rendit dhe sigurisë publike në gjithë vendin tonë.

Policia e Kosovës mbetet e angazhuar në forcimin e sigurisë dhe rendit publik, me qëllim ofrimin e një mjedisi më të sigurt për të gjithë qytetarët e Kosovës.