Policia hedh gaz, Bardhi shpërndan protestuesit

Pasi janë zhvendosur përpara parlamentit, protestuesit kanë hedhur fishekjzarre, çka solli reagimin e fortë të Policisë së Shtetit. Përveç ujit me presion policia ka hedhur edhe gaz lotsjellës ndërkohë që sulmi i protestuesve në drejtimi të godinës së Kuvendit nuk është ndalur. Policia ka bërë thirrje që drejtuesit e opozitës të largojnë protestuesit nga zona dhe të parandalojnë çdo akt dhune në drejtim të institucioneve. Sekretari i Përgjithshëm i Partisë Demokratike, Gazment Bardhi i ka bërë thirrje protestuesve të mos hedhin kapsolla duke kërkuar shpërndarjen e tyre.