Policia i shkon në banesë, ish-kryebashkiaku Fatos Tushe rikthehet në burg

Ish-kryebashkiaku i Lushnjes, Fatos Lushnje, është vënë në pranga ditën e sotme nga policia. Arrestimi erdhi pas vendimit që dha Apeli i Gjykatës së Posaçme të mërkurën sipas të cilit, ish-kryebashkiaku duhet të kthehet në burg për të vuajtur një 1 vit burgim.

“Sot më datë 02.03.2023, specialistët për Hetimin e Krimeve të Komisariatit të Policisë Lushnjë kanë ekzekutuar vendimin e datës 01.03.2023, të dhënë nga Gjykata e Posaçme e Apelit për Korrupsionin dhe Krimin e Organizuar Tiranë, e cila ka vendosur se shtetasi Fatos Tushe, 55 vjeç (ish-kryetar i bashkisë Lushnjë) duhet të kthehet në IEVP, për të vuajtur 1 vit burgim, për veprën penale “Shkelja e barazisë së pjesëmarrësve në tendera apo ankande publike”, kryer në bashkëpunim. Shtetasi Fatos Tushe do i dorëzohet IEVP Fier, me qëllim vuajtjen e dënimit”, njoftoi policia.

Gjykata e Apelit rëndoi pozitat e ish-kryetarit të Bashkisë, Fatos Tushe me 1 vit më shumë burg se sa kishte dhënë Shkalla e Parë. Kjo e fundit e dënoi Tushen me 2 vjet e 4 muaj burg. Këtë dënim Tushe e shleu dhe 1 muaj më parë u lirua. Apeli la në fuqi vendimin për 19 ish-zyrtarët e tjerë, duke pezulluar dënimet me burg në shërbim prove.