Policia Kufitare shpëton në kohë rekord turistin italian

Policia Kufitare e Vlorës  në bashkëpunim me forcat “Delta” kanë ndihmuar në kohë rekord një turist italian, i cili kishte nevojë urgjente për trajtim mjekësor. Turisti u transportua menjëherë me helikopter drejt spitalit të Vlorës, ndërsa gjendja e tij shëndetësore raportohet e mirë dhe është jashtë rrezikut për jetën.

Njoftimi i Policisë:

Policia Kufitare e Vlorës dhe forcat “Delta” i vijnë në ndihmë në zonën e Karaburunit një turisti italian i cili kishte nevojë për ndihmë mjekësore .Falë transportimit të shpejtë  për në spital, me mjetin lundrues të forcave “Delta”, turisti italian është jashtë rrezikut për jetën.

Mesditën e sotme salla operative e Drejtorisë Vendore për Kufirin dhe Migracionin Vlorë, është njoftuar me telefon nga kapiteni i një anijeje  turistike që ndodhej në zonën e Karaburunit në Shënvasil, se  kishte nevojë për ndihmë mjekësore për një turist italian që ndodhej në anije, i cili duhej transportuar për në spital në një kohë sa më të shpejtë.

Menjëherë në ndihmë të turistit ka shkuar në kohë  mjeti lundrues i forcave “Delta” që ishte me shërbim në atë zonë dhe ka transportuar shtetasin E.U, 59 vjeç për në Porti e më pas me  autoambulancën e  spitalit të  Vlorës. Turisti Italian E. U., pas ndihmës së parë mjekësore në spitalin e Vlorës, kaloi rrezikun për jetën dhe në këto momente  ndodhet  në gjendje të mirë shëndetësore. Shtetasi E.U., falënderon  Policinë Kufitare, forcat “Delta” dhe ekipin mjekësor që i erdhën në ndihmë.