Policia thotë se janë 1687 rrënjë kanabis të asgjësuara veç në muajin mars

Gjatë muajit mars të këtij viti u asgjësuan në territorin e vendit 1,687 rrënjë kanabisi, e para herë një sasi relativisht e lartë krahasuar me të njëjtën periudhë të paktën të dy viteve paraardhëse.

Sipas policisë gjatë marsit të këtij viti u shënuan 10 raste të kultivimit të lëndëve narkotike, nga 5 të tilla të regjistruara në marsin e vitit 2020. Goditja përfundimtare mbetet ende një sfidë për autoritetet në vend, e në rastet e përfshirjes së punonjësve të policisë, sfida bëhet dhe më e vështirë.

Pas një operacioni kundër kultivimit të lëndëve narkotike në Skrapar, në fillim të janarit të këtij viti, SPAK lëshoi 23 urdhër arreste, e mes tyre janë të përfshirë edhe zyrtarë të lartë të policisë së Shtetit, reagoi edhe ministri Brendshëm, Bledi Çuçi në një postim në rrjetet sociale.

Të dhënat nga Policia e Shtetit tregojnë se gjatë vitit të shkuar u asgjësuan 130,496 rrënjë kanabis, shifër kjo më e lartë e lartë se vitet 2019, 2018 dhe 2017.