Porti i Durrësit, Tedi Blushi: Rama është pronar i fshehur i kompanive offshore. Kjo aferë do të ndëshkohet

Sekretari i Përgjithshëm i Partisë së Lirisë, Tedi Blushi i ka kthyer përgjigje kryeministrit Edi Rama, pasi ky i fundit ironizoi Metën. Blushi shkruan se nxitimi i Edi Ramës për të zbatuar amnistinë fiskale përmes tjetërsimit mafioz të Portit të Durrësit është një krim i paamnistueshëm. Po ashtu Blushi ka edhe një këshillë për kreun e qeverisë. ”Ndrysho mallin dhe mundohu të thithësh sa më shumë ajër në këto ditët e fundit të lirisë”.

Postimi i plotë

Nxitimi i Edi Ramës për të zbatuar amnistinë fiskale përmes tjetërsimit mafioz të Portit të Durrësit është një krim i paamnistueshëm. Kjo aferë mafioze do të ndëshkohet rëndë shumë shpejt.

Pronarët e fshehur të kompanive guacka offshore janë vetë Edi Rama. Je i kapur mat! Më kot përpëlitesh duke shkumbëzuar me fjalor banal!

Ndrysho mallin dhe mundohu të thithësh sa më shumë ajër në këto ditët e fundit të lirisë! Edhe ti vetë e di: Ndëshkimit nuk do t’i shpëtosh kurrë.