Pranë Shqipërisë, mbërrin në Greqi mutacioni i rrezikshëm i Covid-19. Ja çfarë dihet deri më tani

Edhe në shtetin fqinj, në Greqi ka mbërritur mutacioni i Covid-19. Lajmi bëhet publik nga burime qeveritare, të cilat pohuan se 4 nga 6 raste të dyshuara kanë mbërritur në Athinë nga Britania e madhe mbrëmjen e së mërkurës së kaluar.

Mësohet se pasi janë diagnostikuar pozitivë gjatë marrjes së rapid test në momentin e mbërritjes në aeroportin Elefterios Venizelos të Athinës ,janë dërguar në hotel karantine nën masa të izolimit total.

Në vazhdim të katër udhëtarët e fluturimit nga Londra në Athinë të së mërkurës, është kryer edhe testi pcr, rezultatet e të cilëve kanë konfirmuar mutacionin më agresiv të virusit,të zbuluar rishtaz në Angli.

Autoritetet greke janë vënë në alarm dhe kanë nisur gjurmimin e kontakteve të 4 udhëtarëve, ndërsa janë marrë masa shtesë për dezifektimin e ambienteve në të të cilin kanë qëndruar ata në aeroport para dhe pas marrjes së kampionëve të rapid test.