Pranga “përbindëshit” shqiptar, përdhunoi për 7 vjet vajzën e tij të mitur

Një ngjarje e rëndë deri edhe në horror është zbuluar në Itali ku një shqiptar ka abuzuar seksualisht me vajzën e tij që kur ajo ishte 11- vjeçare.

Lajmi bëhet i ditur nga mediat italiane sipas të cilave, për shtatë vjet rresht 44- vjeçari shqiptar, rezident në qytetin e Teramos në Itali, ka abuzuar seksualisht me vajzën e tij të mitur. Ndaj shqiptarit, të vënë në pranga rëndojnë akuza nga më të rëndat si dhunë seksuale, seks oral, kërcënim jete, pas denoncimit të vajzës, sot 18- vjeçare.

Gjithçka ka nisur në vitin 2007, kur ajo ishte vetëm 11 vjeç e për shtatë vite rresht një dhunë mizore është ushtruar ndaj të miturës deri në moshëm madhore, kur ajo vendosi të bëjë denoncimin.

Për policinë italiane vajza ka rrëfyer se për vite të tëra babai i saj e detyronte të kryente marrëdhënie seksuale e seks oral, duke e mbajtur mbyllur në shtëpi, duke e kontrolluar çdo moment e kërcënuar me vdekje.

Prokurori i çështjes, Giovanni de Rensis ka konstatuar se denoncimet e para ndaj shqiptarit 44- vjeçar, kanë mbërritur vite më parë pikërisht nga operatorët e qendrës mjekësore të qytetit, por ka qenë Prokuroria që ka kërkuar shtyrjen e gjykimit të kësaj çështjeje.